鍾意煲台劇多年，呢個臨近聖誕檔期戲碼認真不弱，有可愛教主加小豬嘅《海派甜心》，又有甜心教主配合F4同飛輪海3大型男嘅《桃花小妹》，不過個人都係咁鍾意《下一站幸福》。講真《下》劇都幾老土，又係窮家女同有錢人由鬥氣變情侶，有錢人又突然生腦癌，珠胎暗結嘅窮家女，為咗男友有更佳醫療技術，決定離開佢。最新一集女主角個仔仔出場，80年代有睇港產片，相信對小彬彬呢位童星有印象，今次就係佢仔仔「小小彬」演出，果然同爸爸一樣咁可愛，兩父子都係成功童星。
講開童星，周日阿積士對海倫芬，又可以睇到蘇亞雷斯、艾曼紐臣、比倫斯等新星，中位數3.5球都博入球「大」。
牽牛
近5場往績：WWWLW
大細：阿積士「大」
心得：兩隊出名唔守波