最近，內地有關部門決定今年12月15日起，落實常住深圳的非廣東籍居民可在深圳辦理赴香港「個人遊」簽注措施，呢一招某程度上幫到香港經濟，事關更多內地人能方便來港，唔單止會刺激到零售及旅遊業，星俠相信仲會吸引更多大陸人來港買樓投資，甚至係開戶口炒股。
呢個大趨勢的受惠股份唔少，莎莎國際（178）始終係首選分子之一，因內地對化妝品審批仍嚴格，又抽重稅，內地人想買平靚正化妝品，來港掃貨係必然動作。莎莎有九成以上經常性利潤來自港澳地區，其位於內地分店營運成績仍唔算理想，集團明顯要倚重來港內地遊客消費，任何更方便來港旅遊措施，莎莎都係直接受惠股。
莎莎09年度（3月年結）獲利3.16億元，按年下跌9.3％，每股盈利22.9仙，派末期息5仙及特別息12仙。莎莎連續8年派特別股息，長期股東持有莎莎，早已財息兼收，甚至累計收息已收回投資成本。家陣存款息低，莎莎股息達5.5厘，如見股價調整，吼低買入作長線收息。
方星俠