猶記得細個家住旺角新填地街，天寒地凍最恨係可以幫襯街邊嗰檔熱辣辣嘅裹蒸糉；間唔中舅父吹雞一大棚人走去上海街出晒名嘅富記，食生滾粥同油炸鬼，暖笠笠滋味無窮。
前幾晚，相約知己收工到富記飯店消夜，其實我都唔知呢間樓上舖同以前嗰間有無關連；之前去過幾次，今次天寒地凍，自不然叫兩大碗粥大家一齊食；點知一食落口，即刻叫了聲「大鑊」，點解兩碗粥凍嘅？雖然個侍應即刻拎番入廚房整過，但係印象分已都大打折扣。
食嘢今不如昔，賭波也切記迷戀名牌，英冠米堡降班後星散，今天主場對今季表現可人嘅森林，讓唔起咯。
蘋果波神
近5場往績：LLWLL
讓球主客和：諾定咸森林勝[+1]
心得：米堡過氣名牌無謂憧憬