「呢個係我哋最後一齊做嘅舞台劇喇！之後分開搞。」這是兩個愛說笑、無時正經的艾粒，為12月尾的舞台劇《普世歡騰核能人》做訪問時的第一句說話，之後兩人會暫別舞台。阿占續說：「講真o架！因為我哋仲未諗到有乜新嘢可以刺激觀眾，霸住個市場好耐，退一退位休息吓！」
艾粒古靈精怪的鬼主意特別多，每年的舞台劇，令人捧着肚皮大笑離場。今年的舞台劇決定12月尾公演，他們強調是最後一次合作，短期內不會合作搞劇或推出商品，但仍會一起開咪做節目，廣告一齊拍。阿占謂：「我哋合作咗7年，冇諗過呢個瘋人組合會有咁多人睇，都未諗到新嘢刺激觀眾，所以暫時停一停。可能我哋離開之後，會有新派出現，只係我哋霸住個市場好耐，退一退位，休息吓啦！」
妙想天開搵Cookies
最後一次，艾粒會跟觀眾來個大總結，把舞台劇和平時節目內出現過的角色，於舞台上演繹真人版，用「聲音」把角色立體化。主打的「核能人」和「好人」，他們說：「照字面睇就知講乜嘢人啦！不過到時大家慢慢睇吓我哋講乜嘢。」艾粒亦會演辦公室的攣人、銀河道士，以及第一套劇的靈魂人物娜娜、奈奈。
艾粒更打算演出時，找同期出道的組合任表演嘉賓，Donald說：「我哋想搵Shine、Boy'z、E-kids同Cookies，但應該幾難。」問到會否請鄧麗欣和傅穎同台演出，他們笑言：「唔好喇！女仔好煩，又冇女仔更衣室，我哋唔可以一齊換衫。」
阿占醉心夾Band
另外，對於將分開發展，艾粒已有全盤大計，阿占主力投入樂隊野仔的表演，而Donald則做英文補習天王，他說：「我會兼職做呢樣嘢，同埋我想搞棟篤笑，有諗過盂蘭節講鬼古。」
採訪：王連連 攝影：仇志德
髮型：JohnnyofMotiff
服裝：DesignbyGaflat咸球
場地提供：太子酒店
