無綫《活著》今個星期二晚首播，雖然節目係探討非洲原始人生活，但都竟然有人投訴意識不良，其中廣管局接咗兩個投訴，指前晚節目中土人裸露，以及原始生活好殘忍，而無綫就有一宗投訴話節目出現露點意識不良。對於有關投訴，無綫外事部副總監曾醒明噚日回應話：「節目係真實反映土著生活，絕對唔係刻意賣弄啲乜嘢。」