熊黛林獲郭富城確認「好朋友」身份坐正，昨日她在中環主持亮燈，春風滿面，她直言特別愛聖誕，但今年是否與城城打邊爐慶祝，她則有所保留，揚言想轉節目。同樣蜜運中的李澤楷前緋聞女友陳碧舸，在北京工作遇上奧巴馬，被阻上機。
城嫂熊黛林、名模姚予晴（Mikki）和曾跟李澤楷傳緋聞的陳碧舸（Bonnie）等，昨日分別為中環ifc及將軍澳中心主持聖誕亮燈。
唔使城城見家長
熊黛林穿Escada晚裝配Tiffany珠寶，坐正做城嫂的她，春風滿面，談及愛人郭富城時雖仍然含蓄，但全程甜笑沒否認。她謂小時候在內地沒有聖誕節，所以現在特別愛聖誕，問她有否跟城城共度過聖誕？她甜笑說：「唔記得喇。」今年可會又打邊爐？她說：「我想轉吓新花款。」
問到想收甚麼禮物，熊黛林指香港是一個浪漫地方，想要白色聖誕，記者提議叫城城陪她去南京家鄉，她說：「太凍，我都好驚返去，或者叫屋企人嚟香港過。」順便叫城城見家長？她說：「冇見過，我都唔使啦。」獲認定真命天子，開心嗎？她笑笑口說：「唔好問我，好難回答。」
陳碧舸錯過班機
陳碧舸透露剛自北京回港，在零下10度外景拍攝春裝，令她冷倒，更被訪京的美國總統奧巴馬影響上機，她說：「我喺北京間屋就係佢住嘅酒店對面，前一個星期已經封路。噚日（前日）我同佢一樣坐5點機，因為封路，好無奈趕唔到，後來要轉飛深圳，再坐夜車返香港。」
Bonnie謂不會埋怨奧巴馬，她說：「唔會，北京人都好習慣，一有領導人嚟就封路，奧巴馬係一個好charm嘅人，好支持佢，為少數族裔爭取權益，同埋佢好有氣質又靚仔。」她更透露有拖拍，問到詳情，她則表示是「不能說的秘密」。
採訪：RitaLeung
攝影：DickyChan