《富貴門》是以實力派演員作招徠的重頭劇，有視帝有影后，個個都實力雄厚，陳敏之今次有幸被選中參演該劇，不但可以跟好戲之人學做戲，還可以做羅嘉良的女朋友，她說之前拍攝一場激情熱吻戲，陳敏之表示已經心滿意足了。
無綫重頭台慶劇《富貴門》，由袁詠儀、羅嘉良、呂良偉、戚美珍主演，全部都是好戲之人，他們既有年資又是視帝級、影后級人馬，相比起一眾同劇演員，陳敏之的演戲經驗尚淺，能參演台慶劇，對她來說是一個難得的學習機會。
遭拋落梳化
陳敏之在《富貴門》中先跟羅嘉良發展一段短暫戀情，再跟馬國明拍拖，周旋在兩兄弟之間，感情戲相當複雜難演。
陳敏之最難忘的一場戲，是跟羅嘉良的激吻戲，她說：「嗰場戲都幾激，我都係第一次拍得咁激，講到一鳴飲醉酒，想搵我發洩咁，拋我落梳化，壓住我係咁錫，雖然事前有溝通，但係當時都好shocking，冇諗過係咁熱情，好逼真，令我做到最自然的反應，呢個shot都係拍咗兩個take，拍出嚟嘅效果好好。」
向靚靚偷師
陳敏之得到羅嘉良貼身教戲，但是陳敏之最愛的，卻是觀摩金像影后袁詠儀做戲，她說：「我最鍾意睇靚靚做戲偷師，有時收咗工留低睇佢拍戲，有一場我專登留低睇，靚靚真係好勁，拍之前仲喺度嘻嘻哈哈，一開始拍佢就好入戲，個場戲係講靚靚俾屋企人發現佢俾撈家強姦咗，靚靚要喺屋企人面前承認呢件事，當時真係好有爆炸力。」
採訪：楊潔雯
攝影：林德雄
化妝：RaymondYip
髮型：JoeTsuiofHairCulture
服裝：Missoni&Guess
首飾：Forevermark
