徐淑敏（Suki）和老公黃浩（Kenny）日前奉子成婚，分兩天設宴招待朋友，前晚兩人出發開始一連三星期的蜜月之旅，在產前禁飛日之前共遊五個國家。懷有4個多月身孕的Suki依然貪靚穿上高踭鞋出現，提到腹中B女，Kenny直言囡囡出世後可能錫女多過錫老婆，叮囑Suki勿呷醋。
咪神徐淑敏榮升黃太後，前晚與老公黃浩蹺手到機場出發享受3星期的蜜月之旅，Suki和Kenny約10點半到達機場，懷有4個多月身孕的Suki戴上黑超穿上鬆身衫現身，她依然貪靚穿上高踭鞋，而Kenny則推着載了兩個大篋及一個LV袋的行李車，Suki蹺着老公狀甚恩愛。
Suki和Kenny先出發往澳洲，之後緊接飛往星馬再擺酒，然後又到馬爾代夫及日本旅行，要在產前不能再飛才回港，一直遊埠到明年1月尾。
問到大肚Suki有否帶備必需品？她說：「最緊要都係藥，因為話喺澳洲睇醫生比較麻煩。屋企人都唔係太擔心，因為有老公睇住，加上佢又喺當地讀過書，所以都幾熟。」
老公錫晒囡囡
在機場等候時Suki不時露出甜絲絲表情，她直言心情很sweet，問到老友有否投訴她現在只顧住老公忘記好友？Suki笑說：「冇嘅，不過遲啲可能掛住BB唔掛佢都未定。」至於屆時老公會否呷醋？在旁的Kenny立即示威說：「唔會，我可能錫女多過佢，到時係佢呷醋都未定。」
Suki依然貪靚着高踭鞋，她表示很安全毋須擔心，況且她會拖實老公，而Kenny表示向不少朋友取經如何照顧大肚婆，但他還是最信醫生的說話。
採訪：馬建華
攝影：仇志德