是咁的：今年潮語橫行，o靚模升呢，無邊網海大爆發，現在經「壹斑碼」，拎住手機向報紙嘟兩嘟，新聞片即刻有得睇。人氣o靚模周秀娜早前大騷22吋纖腰及長腿，親率五位師姐妹齊以索版哈女look拍廣告，推介「壹斑碼」，就連娜姐都大嗌斑碼在身邊，資訊我知先。
周星馳說：「時間係唔等人o架！」奧巴馬（BarackObama）也說世界要change！與時並進，Y世代的周秀娜（Chrissie）掀起21世紀社會新現象，帶領o靚模崛起。近日Chrissie又有新嘢玩，率五位師姐妹莊思敏（Jacqueline）、裴殷（A.Lin）、盧頌之（DaDa）、陳俞希（HaileyC.）和吳燕安（AnnieG.），齊齊強力推介融合《蘋果日報》與互聯網的資訊新科技「壹斑碼」。
讚做法聰明
Chrissie等6位索o靚模早前為拍攝「壹斑馬」廣告，當日她們以女版哈利波特造型登場，披上斗篷及巫師帽襯露腰恤衫和迷你裙，青春活潑。體重約92磅的Chrissie露出22吋小蠻腰及長腿，她笑說：「我哋做嘢時成日拎住一袋二袋，又鞋又衫又化妝袋，成嚿石咁重，所以我有老鼠仔，走嚟走去周圍行都係運動。其實我嘅身形係遺傳自老竇同媽咪，我mix得好好，有媽咪嘅胸同老竇嘅手腳。」
個個女仔都貪靚，鍾意買鞋買衫買化妝品，Chrissie也不例外，所以她對「壹斑碼」很有期望，希望從中吸收扮靚資訊。她說：「有得介紹fashion最好，我覺得呢樣嘢係好聰明嘅做法，時間對我哋嚟講好緊要，每一日都好匆忙，家網上有好多資訊性嘅嘢，有咗呢啲嘟嘟碼就好易選擇，又方便，video會比文字更清楚。」
o靚模感新奇
A.Lin對壹斑碼感到新奇有趣，她說：「呢樣嘢對消費者好新鮮，市面上嘅報紙都未有，平日唔可以成日睇電視或者上網，但用電話睇就好方便同更有feel。」Jacqueline則說：「睇到動新聞更方便，有時文字都未必咁了解，睇到片會清楚發生乜嘢事，容易接收資訊同埋更有興趣。」DaDa也說：「睇動新聞都唔使即時上網，用手機會好方便，嘟嘟吓好新鮮，我諗會好多人鍾意。」
採訪：丁寧
攝影：葉君海、黃偉雄
化妝、髮型：KathyL.、Lene（CiaoBella）