官恩娜（Ella）、古巨基、方力申和吳雨霏昨日出席港台在柯士甸站舉行的「暖流行動──長者港鐵安全運動2009」，與一班長者一起乘西鐵到荃灣聚餐玩遊戲。
基仔戴罩免播菌
基仔因病戴上口罩，就算影相都堅持不除罩，他說：「我係坐飛機俾人傳染，我唔想再傳染畀人，所以堅持戴住囉，要有公德心。」
Ella與基仔同病相憐都是病人，不過她將近痊癒，只是聲音有點沙啞，稍後她會往美加和日本工作，她嘆道：「咁忙，真係好少同屋企人見面，都有成個星期冇見過父母，有時見到爸爸都覺得佢個樣好似唔同咗。」
Ella表示雖與家人同住，但因工作關係，回家時他們都已入睡，問Ella不是獨居嗎？她說：「其實我一向都同屋企人住，九龍間屋只係方便我工作，我多數都喺上水住，呢排我媽咪覺得我工作做得唔錯，特別佈置過間屋，放咗好多花嘅盆栽，等我多啲桃花，但只係為事業。」
採訪：胡比
攝影：葉君海