25歲咪神徐淑敏（Suki）日前與37歲的飲食才俊黃浩結婚，二人前晚再於尖沙嘴凱悅酒店擺酒。穿上吊帶裙的Suki未知是否因懷孕谷奶，上圍非常突出，更笑言自己奶水充足，將來BB出世後一定夠食。
咪神徐淑敏日前與拍拖不夠半年的黃浩（Kenny）結婚，前晚女家在尖沙嘴凱悅酒店擺酒。懷有身孕的Suki未知是否太累，見到記者時表現不悅，更推開記者說：「唔好影啦。」隨即急步走入新娘房，Kenny即時入房安撫太太，並向記者解釋Suki因化妝花了很多時間，故此不開心。
與奶奶同住
Kenny第一晚擺酒時因飲醉未有洞房，前晚問他會否補洞房時，他笑說：「都好呀，一於今晚補番啦，所以今晚搵咗兩個好酒量嘅頂酒，上次我真係醉到唔知自己做乜。」
Kenny又透露是Suki提出與奶奶同住，更指沒有婆媳問題。對於有雜誌指Suki收了500萬禮金首飾，以及其父收了一層樓，Kenny說：「冇呀，呢啲私人事唔講，你問外父啦。我問過Suki父母想唔想搬近啲，但佢哋話住慣本身嘅地方，我都有叫佢哋得閒過嚟住。」
確定懷B女
其後身穿鮮紅吊帶裙及戴滿龍鳳鈪的Suki與Kenny合照，問到她為何心情不悅？她說：「今日好匆忙，我以為好得閒，原來回門要攞金豬，加上我即飛澳洲又要去做婦檢，醫生確定係BB女。今日最主要係因為化妝遲咗，成個流程都遲咗兩個鐘。」
提到上圍因谷奶再升cup，Suki說：「我唔知呀，咁咪好囉，BB唔怕冇奶飲，我無刻意去測試係咪多奶呀。」提到Kenny想補洞房，Suki一臉尷尬地望着老公說：「咁你唔好飲醉啦，咁尷尬都唔知點答呀。」她又指新婚後的感覺沒有太大分別，只是簽紙時猶如拍劇般，她笑說：「等多啲人叫我做黃太，可能會好啲。」
採訪：王崇穎
攝影：仇志德
