黎明前晚於太子為電影《Frozen》客串天橋露宿者一角，同場有JaniceMan（文詠珊）及衞蘭（Janice）。對於樂基兒被拍到與其他男性又攬又錫，黎明的第一個反應是：「又咀第二個呀！」不過他解釋一早已接受太太在美國長大，會尊重她的文化。
由衞蘭、JaniceMan及劉浩龍主演的電影《Frozen》，前晚於太子一幢唐樓內拍攝，黎明更客串天橋露宿者一角，他穿上破爛服飾及面上被塗污，與平時的靚仔形象截然不同。
擺奧巴馬上枱
對於太太樂基兒（Gaile）被影到與男性友人又攬又錫，又咀女性友人，Leon聞言即說：「又咀第二個呀！我喺內蒙冇睇到，如果大件事同事會同我講，冇人提過即係冇事啦。」黎明之後更力撐Gaile，他指不同國家有不同文化，他說：「好似奧巴馬探訪中國，喺唔同地方成長有唔同文化，產生唔同生活習慣，Gaile喺美國長大，生活方式同亞洲唔同，大家唔好諗得太多餘，應該尊重佢嘅文化。」
現場有人讚黎明為人大方，他表示應大方時便要大方，他續說：「大家唔好諗歪，我識佢時已知佢係美式女孩，總之冇事我係唔會問佢嘅。」
叫衞詩轉行
但提到Janice希望妹妹衞詩重返樂壇，黎明表現相當決絕：「如果佢職業係特工，佢已經暴露身份唔可以再做，其實有好多行可以發揮，有人叫我畀機會佢，亦有人叫唔好畀。淨化過程有冇發展空間，未來可能會搵到，但唱歌就唔會諗，佢要為嗰件事負責。」
此外，有傳JaniceMan獲老闆優待，有新車接送，黎明表示只是舊車老化要換新車，JaniceMan也不想為此事解釋，因公司資源所有歌手都可享用。
採訪：魯萍 攝影：葉君海
