【2011亞洲盃外圍賽（A組）】港隊今晚6時30分在預計攝氏10度的寒冷環境下，於大球場出戰強陣的日本；從日本主教練岡田武史昨在賽前記者會，經常流露自信的笑容，港隊爆冷搶分的希望，勢像今晚天氣一樣：凍過水。
港隊上月在亞盃外因遷就南華備戰亞協盃準決賽，臨時抽起卓卓、文彼得及陳偉豪等南華防守球員，結果作客0:6慘負強陣的日本；出線決賽周夢想已接近破碎，更令球迷難受是港隊踢來完全沒有組織能力。
羅傑承：希望可贏波
雖然港隊出線希望渺茫，但為挽回球迷支持，今次終能以較完整陣容出戰；除卓卓、陳偉豪及吳偉超等主力歸隊，教練金判坤決定排出較主守的4-5-1陣式，希望加強中場截擊力減少失球。
昨午到大球場觀操的港隊領隊羅傑承表示，希望在寒冷天氣下，能為入場球迷帶來驚喜：「我同金判坤都希望可以贏波，但日本隊同港隊實力確有距離，就算贏唔到、和唔到，落敗也希望是很接近的比數。」新任港隊隊長潘耀焯賽前表示，此戰首要是減少防守失誤，加強中場防守後，能藉反擊威脅日本大門；至昨晚為止，賽事已合共售出逾7,500張門票，當中可能有半數為日本球迷，而港隊希望臨場有多些球迷入場撐主隊。
中村俊輔勢正選領軍
世界排名40的日本為準備明年世盃決賽周，今次挑選多名外流歐洲球星助陣；上周六友賽南非和0:0，之後強陣來港當然不是為觀光，主教練岡田武史昨在賽前記者會多番流露自信笑容，還表明球隊會珍惜這場今年最後一場國際賽機會，爭取勝利。
事實上，日本球員昨晚在大球場操練亦展示良好比賽狀態；岡田教練不斷練兩邊出波，3名攻擊球員接應的戰術，以港隊球員的級數，肯定不易應付。當中現效愛斯賓奴的中村俊輔將正選領軍，球迷臨場有機會看看這位日本「罰球專家」，與港隊「黃金左腳」李海強同場較技。本報訊
賽前論戰
《花絮》
足總主席估球迷過萬
足總主席梁孔德（圖）話自己估球迷入場人數相當準，上次猜中南華主場對科威特競技會爆棚後，今次佢估會有過萬球迷捧場；不過要超過呢個數字其實一啲都唔難，因為預售已經超過7,500張門票，連同近3,000張贈券已經有成萬球迷，所以人數過萬不成問題。
港隊9倍W咪落注
足智彩周三開咗好幾場亞盃外，包括中國主迎黎巴嫩同泰國對新加坡等賽事，而香港對日本就因為按法例唔開得盤；外國賭波公司就有開，好似bwin就開日本作客贏波得1.25倍，香港贏波就9倍，睇賠率好似幾吸引，但以港隊實力，加上日本講明唔留手，輸少已經當贏啦！
紅色Tee為香港打氣
南華足主兼港隊領隊羅傑承為了這場大戰，早前特別推出一件寫住「WeareSouthChina，WeareHongKong」的紅色Tee（圖）；點知有球迷不滿，話呢場係國際賽，羅生唔應該將南華放先，有喧賓奪主之嫌。不過，羅生亦有提議由甲組會夾錢喺報紙賣廣告，仲落埋有份畀錢嘅球會logo；加上佢又呼籲球迷着紅衫撐港隊，咁勞心勞力又點會捱鬧呢。
宣傳單張醒入場球迷
近期甲組隊興送禮吸引球迷入場，今日香港對日本亦唔例外，據聞有關方面已準備咗1萬份、A4紙大細、有齊港隊球員資料同日本球員名單嘅單張，免費派畀入場球迷；今日入場球迷記得攞番份，以示支持同紀念。