【本報訊】那一口外邊鬆軟，裏頭香脆的牛下改良版豬扒包，賣到星期天，便將隨同最後一個徙置區，湮沒於歷史微塵。標誌着香港公屋史轉捩點的牛頭角下邨興記茶餐廳，宣佈經營至本月22日光榮結業。餐廳舊物與舊照將放進賽馬會創意藝術中心，讓人細味公屋奶茶多士的餘香。 記者：蔡元貴
興記老闆恆哥在茶餐廳當眼處張貼了一則告示，宣佈11月22日光榮結業。連同第一代的山寨版興記，這間地痞茶餐廳已有約五十年歷史。興記由林興創立於京士柏寮屋區，恆哥說：「老竇話，想搵樣嘢唔會餓親屋企嘅，於是諗到做食嘅生意；做餐廳，就算生意唔好，啲產品都可以食落肚。」
京士柏寮屋區清拆後，林興舉家搬往牛頭角下邨，興記也在十座覓得舖位，一做便做到如今牛下清拆。林興育有三子一女，大哥另有生意，二哥與家姊都已移民，父親年老，興記就由孻子阿恆與幾位堂兄弟經營下去。寂寂無聞的茶餐廳，因為香港最後一個徙置區牛下的清拆而聲名鵲起，近月引來不少新知舊雨幫襯，甚至成為觀光名勝。
見證兒女私情江湖恩怨
恆哥一家因為貧民身份入住牛下，在牛下經營興記，後來也因為興記致富，晉身公屋富戶而被終止住屋租約。興記訴說了香港基層努力脫貧的故事，還見證着許多兒女私情與江湖恩怨。恆哥說：「呢度啲人離離合合都唔知幾多，我哋睇住個女街坊喺度拍拖、結婚、生仔、離婚、再拍拖、再結婚，再生仔。」
牛下昔日三山五嶽，興記似乎深受社團眷顧，一度成為劈友、講數的老地方：「試過有黑幫喺出面球場劈友，有條友走入嚟攞我哋啲凳當武器，打完交要我哋出去執番。」恆哥說，最緊張一次是兩幫人在興記紮馬講數，幸好最終和解，順便在興記擺和頭酒。
15夥計獲一至三月花紅
算不上甚麼著名食府，興記值得緬懷的，是一家典型港式茶餐廳的轉型歷程：「我哋最初剩賣麪包及粉麪，後來出面多選擇，我哋逼住要賣埋飯、賣埋豬扒包。」現在最多茶客稱道的是豬扒包，豬扒由恆哥的堂兄獨家醃製，麪包罕有地用了「軟豬」，恆哥還自豪的說：「出面啲豬扒包塊豬扒有骨嘅，我都唔明點解可以咁，咬親棚牙點算？」
興記仝人共15人，恆哥說，除了法例要求的遣散補償，還會按表現發放一至三個月花紅，算是答謝夥計多年辛勞。至於興記，恆哥暫時找不到理想舖位，打算休息幾個月才算。