【本報訊】深圳市成為本港大專院校擴張版圖必爭之地，繼香港大學有意於當地興建校區後，中文大學校董會早前也通過成立深圳及珠三角地區發展專責小組，研究在深圳開設校園提供學位課程的可能性，校長劉遵義表示，校區資源將完全獨立，質素與中大睇齊，但學費會較內地名校，如清華大學或北京大學為高。
學費將較清華貴
劉遵義昨與校內學生會面時透露，學校過去數年於深圳發展了多個項目，現時正考慮進一步於當地開拓生源，「我哋諗住喺嗰度起個校區，首先資源係完全獨立，學校嘅質素亦都會同呢度（中大）完全睇齊，至於開咩課程就會交由呢度教務會決定。」根據校方資料，校區土地和基建費用預算由深圳提供。
劉遵義其後重申，興建校區一事與現時港校不能在內地獨立辦學無關，「我哋覺得呢個發展對學校長遠有幫助，深圳同我哋近，係好方便嘅地方，校區將會取錄內地生為主，不過學費就唔可能好似清華北大咁平。」學校剛成立的專責小組將由港鐵行政總裁周松崗擔任主席；除校區外，亦會評估學校在泛珠三角地區之發展，就學術、教育、研發等多個方面制訂長遠策略。
港大早前已考慮於深圳興建至少佔地20公頃的校區。據了解，深圳市政府已預留部份土地予港校發展，只要條件傾妥，工程馬上可動工。