峯迴路轉，「現在台」玩咗3年英超又要收檔，輪到「畸寶」接力；呢場浴血戰，其實就好似香港嘅大業主咁，啲靚舖唔憂租，你哋爭餐飽，我就約滿即大幅加價，究竟盤生意成本咁高將來有冇錢賺，天曉得！我哋波友就慘，玩到陀陀擰，有約喺身，但下季仲要硬食唔係好想買嗰件貨，家互聯網世界咁浩瀚，其實聽聞好多人已經放棄俾人㩒住搶。
講包裝，「現在台」玩英超選擇又多，又有ondemand之後睇番；據聞來季仲加多條足球博彩頻道，之前仲扮清高，家半年後就冇咗王牌，都係時候變，等人仲肯落叠，唔通日日睇番haveaniceday咩。
德國哀兵博「大」勝
講番今日重頭戲世盃附加賽，首回合比數果然保守，我其實再落叠興趣唔大；上周末重心推介英甲查爾頓、日乙維加泰冷W同巴甲國體會贏3:1波膽俱得手，證本欄唔會理會賽事本身級數，反而係注重軍情同球隊近期表現，結合值博率推介。公仔箱講聚飛，我悟性低睇極都唔知個主持講乜。今日推介，首捧巴甲俾人話衰波嘅彭美拉斯冷W，爭巴甲霸主最後機會，受讓無嘢好爭嘅甘美奧，有賠率唔好錯過；加多注，射德國主場「大」屠殺科特迪瓦；雖然係友賽，但哀兵上陣唔會太揸流攤啩。
（下次見報日：周六）
文：Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期三22彭美拉斯勝（2.7）
星期三15德國大（1.72）x星期三22甘美奧大（1.7）2x1
簡評：加多條德國3:1、4:1串彭美拉斯「客其他」2x3波膽