中金再生（773）有「睇數」執董提出不滿並「劈炮」唔撈，搞到股價最多跌過45%，低見6.17元，收報8.57元，仍大跌24%。
不過，有在銀行「打躉」的股友報料，話見唔少師奶趁低撈貨，完全唔知個「驚」字點寫，由此可見散戶炒股勇態未改。
今次中金再生股價狂瀉，如屬個別事件，還可單獨咁睇，不過，前排中國忠旺（1333）又係因一宗被質疑之新聞而拖累股價大插，事後雖然澄清，但股價未有太大起色，家陣仍未能重返事發前水平，兩隻同係年內上市新股，又係做金屬業務，仲係同一間大行做保薦人，真係好多巧合。
早前因東亞銀行（023）疑受狙擊而炒上的本地銀行股，昨日在偏軟的市況中，個別走勢依然堅挺。
工銀亞洲（349）昨一度升至19.94元，收市升0.92%，報19.68元。管理層曾透露，該行或有併購活動，對象或以資產及基金管理為主，可伺機買入，獲利目標25元。
方星俠