刺骨的寒風，吹得衣履單薄、臉容枯槁的露宿癮君子一臉死灰，但當Nancy送上溫情的手織頸巾，他們如吃了靈丹妙藥，丹田燃起一團火，中氣十足說：「佢（Nancy）真係關心露宿者，派條頸巾畀我哋，派啲餅畀我哋，係好夠。」
「冇話要攞番回報」
Nancy昨晨現身油麻地榕樹頭派發頸巾及餅乾，現場10多名露宿癮君子突變得朝氣勃勃。經常在榕樹頭流連的立仔，非常感謝Nancy送上手織暖溫情。他毫不羞怯、中氣十足說，「佢（Nancy）真係關心露宿者，派條頸巾畀我哋，派啲餅畀我哋，係好夠嘞。佢冇理由畀埋張床我，畀埋間屋我住，先叫做夠。」
有露宿者說，過去也有教會人士到來派毛氈，但要預先登記，以及聽他們大講「耶穌」一番才能領取，「但係阿婆派頸巾畀我哋，完全係發自內心，真係關心我哋，冇話要攞番啲乜嘢回報。」有露宿者附和說，「社署啲人嚟叫我哋申請援助金，民政總署啲人嚟派毛氈，好物質，完全感受唔到愛心；但婆婆送一條頸巾，一塊餅，雖然好少嘢，我哋感受到佢嘅真心真意。」
曾是癮君子的露宿者打趣說，早已戒除毒癮20多年，現在有團體請他跟教友分享，但他自認沒有Nancy那份無償義工精神，「叫我去分享會，每小時我要收費400蚊。」本報記者