廉政公署噚日頒發嘉許狀予26名人員，表揚佢哋喺調查貪污案件同推行防貪宣傳教育方面表現卓越，包括調查港大醫學院前院長林兆鑫貪污案嘅調查主任張振康。
此外，國際透明組織噚日公佈最新全球貪污印象指數，喺180個國家同地區中，香港排12位，雖然今年得分微升0.1分至8.2分，但同去年一樣冇升跌。新加坡得9.2分，較去年升一位同瑞典並列第3，曾蔭權疑似益親家單嘢，唔知有冇影響廉潔形象，令香港被新加坡遠遠拋離。
新西蘭得分最高，有9.4分，被視為全球最廉潔地方，第2位係丹麥，至於台灣同內地就分別排第37位同第79位，非洲索馬里包尾。