銀行「水浸」、資金氾濫、美國總統奧巴馬訪華……所有話題都係刺激港股上衝23000大關。在內銀股及資源股領軍下，大市昨曾急漲445點至22998，與23000僅差2點，成交增至763億元，反映股海牛氣冲天。
唔知大家仲記唔記得上個月前，坊間有「間尺派」專家指農曆9月港股會大跌，家陣已經農曆10月，大市又係在一片淡風傳言中創今年新高，其實類似情況年內不時發生，真係唔知市場上嗰班頑固淡友點諗？
新股上市誘發炒影子股效應，中國森林（930）本周派申請表，幾隻林木股俱見異動，其中三林環球（3938）突破旗形，收報0.67元，升4.6%。三林短期有力突破0.71元阻力，挑戰52周高位0.74元，破位睇0.80元。
三林係綜合林木資源及木製品企業，總部位於馬來西亞，擁有400萬公頃林木資源，分佈在大馬、南美洲圭亞那、新西蘭及中國等地，其持有60%的附屬公司Lingui剛公佈截至今年9月底首季業績，純利升4倍至4000萬元。
方星俠