陳敏之日前到尖沙嘴為台慶頒獎禮試戴鑽飾，談到當晚的戰衣，敏之說：「頒獎禮嘅晚裝由Gucci贊助，專登喺意大利空運過嚟，香港未有人着，所以唔會撞衫，到時仲會戴一套過千萬嘅鑽飾。」
遲播劇輸蝕
敏之坦言一向鍾情鑽石，曾花6位數字買鑽石獎勵自己，對於將來的求婚戒指，她笑說：「結婚一定要鑽戒，自己比較傳統，我一定要由我最愛嘅人去揀，我以前生日都有收過男友送鑽石戒指，嗰陣真係好開心。」
在台慶頒獎禮屢獲提名的敏之，她坦言信心年年都有，但今年她看好陳茵媺，她說：「我自問今年唔算好突出，《富貴門》又未播晒，咁遲播係蝕底啲，我會當個獎係目標。」至於視帝視后的人選，敏之說：「梗係雯女（鄧萃雯）同祥仔（黎耀祥），我同雯女關係亦師亦友，望到佢攞獎望到口水都流。」
採訪、攝影：何慧斯