人氣急升的樂隊Mr.將於明年3月進駐紅館，舉行處男演唱會，昨日他們到商台接受訪問，成員MJ笑言母親已不斷追他攞飛，問到其女友卓韻芝到時會否捧場時，MJ則指女友因要返學，所以未必能現身支持。
邀校長做嘉賓
今次Mr.預計會舉行一場演唱會，自言雖然未必有錢賺，但很開心得到公司支持，現時他們正計劃邀請黃貫中、陳偉霆、JoeyTang和RubberBand等好友做嘉賓，但最想獲校長譚詠麟現身支持，他們說：「校長一直都幫我哋好多，最想問佢攞佢1984年着嗰件有Alan字嘅戰衣嚟着，等我哋可以偷佢啲氣，到時最好有dancer可以喺我哋彈結他時伴舞。」
採訪、攝影：王連連