唐寧噚日同魯文傑喺尖沙嘴文化中心宣傳舞台劇《爆谷殺人狂》，唐寧喺劇入面扮演性感模特兒，佢話有好多場性感大膽演出。問唐寧有幾性感？佢竟然話係除襪。問佢除襪有幾性感，佢解釋：「一邊除一邊擺出誘人甫士，算係自己一大突破，仲要俾魯文傑錫背同腳，加上有kiss戲，要喺咁多觀眾面前做，都咪話唔尷尬。」