高皓正噚日喺新城電台接受訪問，宣傳舞台劇《秒速18米》，呢位準新郎明年同女友拉埋天窗，家都籌備得差唔多，講到結婚鑽戒係女士都會心儀，希望卡數越多越好，高皓正就準備咗1卡婚戒，當然同關心妍隻4卡鑽戒仲差好遠啦。高皓正話好彩老婆唔計較，而且結婚禮服、場地、攝影、花車都有贊助，慳番唔少，所以婚戒要落重本。