畫家董培新住緊嘅西環英華臺舊樓，俾專門收購舊樓嘅田生地產睇中，佢未賣樓前，田生已經派咗三部柴油探土機嚟開工，搞到好嘈，日日毒氣攻入屋。到早前終於簽紙賣樓，點知田生唔理舊業主有權住多三個月，繼續派探土機開工，搞到成家人日頭有家歸不得。新聞噚日見報後，田生終於肯暫時停工，還董家一個寧靜的家，不過對方冇講明會停到幾時，佢希望至少等到佢哋搬走先好再開工。
董培新又話，有啲住戶埋怨唔一早賣，講到話再遲會俾人截水截電，好彩只係啲住戶自己諗，並非係田生話會咁做。嗰處計埋佢個仔已經住過四代人，好有感情，先至一直唔捨得賣。