想同米老鼠合照，現時可以去渣打，因為配合宣傳旗下MyDreamAccount，渣打銀行特登喺中環總行同埋新世界大廈兩間分行，擺放「150周年紀念限量版夢想號列車」，除咗有火車頭，仲有米奇、米妮等，另外仲喺30間分行放有紙板公仔，迪迪尼粉絲去銀行處理事務之餘，可以影相留念。
呢架紀念版列車仲有推出錢罌，年底前喺渣打開立MyDreamAccount，存入5萬元或以上，可以拎到其中一卡米奇列車，想儲齊一套四件，就要存入80萬元或以上新資金先得喇。
渣打存款及賬戶管理總監黎馮佩齡話，自從05年重推迪士尼戶口，頗受歡迎，目前20至50歲嘅成人戶口佔七成，客戶每年平均增三成，至今已逾12萬，她希望今年開戶人數維持增30個巴仙，存款可增一倍。