劉德華前晚到觀塘為聖誕主持亮燈儀式，一年一度佳節來臨，華仔透露會在港和家人度過，因未能出街狂歡，故打算捧場看鄭秀文演唱會。由於要拍攝新戲，華仔近日苦練少林寺功夫及心法，每日早上9點起身操練4個鐘，但練武時不慎弄瘀雙手，信佛多年的華仔卻坦言獲益良多。
近日忙於準備開拍新戲《新少林寺》的劉德華，前晚帶同兩個囝囝Andox及黑仔一同到apm商場主持聖誕亮燈儀式，大會安排兩位性感聖誕女郎陪伴華仔左右，他就四圍走向各方圍觀市民及fans打招呼，認真識做。
問到一年一度的聖誕節將在何處及如何度過？華仔表示屆時應在香港，他笑說：「我哋又唔出得街，有乜嘢節目吖？去睇Sammi（鄭秀文）演唱會，會唔會做嘉賓？睇吓佢請唔請我，想唔想我去囉。」問到往年會否花心思令家人開心？華仔直言很少，很多時聖誕皆在外地工作或做演唱會，若不在港，華仔會跟工作人員在外地交換禮物慶祝。
即將拍《新少林寺》，華仔透露已開始練少林功夫約一個月，是正宗少林拳，電影公司安排少林師傅專程來港指導他，每朝9點起身約練4個鐘，他說：「平時大家睇嗰啲係表演成份多，唔算好純正，但家我除咗要學形態，仲學埋心法，遲啲再會有個大師傅嚟教我心法。」
練功參禪理
華仔表示雖然練功令雙手受傷，但由於他一向信佛，坦言今次除了可以學少林功夫強身健體外，還可以參透禪理，獲益良多。華仔透露在戲中跟成龍及謝霆鋒等人有不少對打戲，記者笑言兩人都有功夫底子，他笑說：「係啦，但我就要扮好打過佢哋，真係奇怪。」
採訪、攝影：胡比