上禮拜五花旗股市造好，加埋美國總統奧巴馬訪問神州，港股噚日進軍23000關，雖然收市未能破關，但只差幾十點，如果外圍冇事，今日恒指破關而上應該係正常發展。
滙控（005）強勢，投資者信心大增，配合內銀股炒上，好友可以話掌控大局，短線吼實內銀股唔會錯得去邊。
招行C輪17531：招商銀行（3968）昨收21.95元，升1.8%。日線圖現突破，炒上25元機會好大，可以諗吓隻C輪17531。
隻輪現價30仙，2010年2月25日到期，行使價20元，溢價4.7%，引伸波幅41.9%，有效槓桿5.1倍，正股升上25元，17531有機見54.2仙，升幅約8成，如果正股跌穿21元，就沽咗隻輪止蝕。
俊樺