周秀娜對紅色向來情有獨鍾，日前她便化身火紅噴血女郎拍月曆，更在鏡頭前不停拉扯tubetop，32D咪咪倒奶而出。憑魔鬼身材上位的周秀娜，自然非常緊張自己的胸部，近日更加重保額至7位數字，為保險費，故近日密密接job。
周秀娜為榨乾電車男荷包，招數層出不窮，近日她拋胸拍攝2010年月曆「ColouRevolution」，以13個超性感造型示人，除變身「九彩大閘蟹」外，又化身火紅噴血女郎上陣。
日日按摩胸部
周秀娜的32D咪咪在火紅tubetop戰衣下，倒奶而出，更顯豐滿。對於這副搵食架生，她自然非常緊張，近日還特別為咪咪買下7位數字的保險，她昨日在電話中說：「胸部對我嚟講好重要，我梗係要好好保護，所以都加重咗保額，月供嘅費用係可以接受。」她不但為胸部買重保險，每天無論多忙也會進行護胸療程，她說：「我冲完凉必定會幫胸部做按摩，又會搽啲cream去滋潤，平時有時間都去美容院做吓療程，實行雙管齊下。」
對於新月曆的多款造型，周秀娜表示最喜歡這個火紅美人look，她說：「紅色好搶眼，又好新年feel，而且加埋兩邊額角嘅紅妝，畀人一個好tough、好硬淨嘅感覺，同我男仔頭性格好夾。」她透露拍攝當日應攝影師CK要求，不停在鏡頭前擘大口狂叫，拍完這輯照片後她已聲嘶力竭。
明年搶攻樂壇
此外，當年沙灘小姐出身的林建明（沙姐）日前接受電台訪問時，大讚周秀娜有她當年的影子，對此周秀娜說：「沙姐真係咁講？我都睇過佢當年着三點式嘅靚相，佢真係有做o靚模嘅條件，佢嗰時嘅打扮喺保守年代已經好出位，好彩當年未興出寫真集，否則家我哋都冇得撈。」據知周秀娜近日正秘密練歌，準備明年開金口唱歌，實行做個全面的模art。
採訪：比華利
