港股上禮拜雖然未有上衝23000關，但禮拜四回落，翌日即反彈，反映市底好強，上周五花旗股市亦回復升勢，道指上升73點，收10270，對今日港股炒上好有幫助。
港股走勢強勁，多少都歸功於滙控（005），大笨象突破咗92元之後越升越有，市場憧憬管理層會增加派息，滙控未來走勢可睇好，短線目標價103元。
滙控C輪19087：滙控上周五收94.60元，技術強勢，可以諗吓隻C輪19087。
隻輪上周五收69仙，2010年4月19日到期，行使價100元，溢價12.8%，引伸波幅39.1%，有效槓桿6.1倍，正股升上103元，19087有機升上1.06元水平，算係幾吸引，如果正股跌穿91.50元，就沽咗隻輪計數。
俊樺