錦興集團（275）現價浮沉喺沙士期水位，城中富豪旗艦股當中，錦興殘得交關，要收集。錦興3月底止NAV5蚊，現價0.57元折讓高達88.6%，即係現價只係NAV1折多少少。
仲要咁睇，今年頭一季，金融海嘯仲係吹到呯呯聲，包括錦興在內，身家大縮水。但打後日子，市場總算風和日麗，錦興應該受惠各項資產增值，家陣現價相對NAV，可能1折都冇。
錦興由07年5月高位，到家陣累跌97%，已經睇齊03沙士價，就算連埋今年3月供股，市值都係得3億銀。集團既係爆棚哥旗艦企業之一，對於集團業務及市值壯大呢個憧憬，一啲唔過份。Beforethat，齋炒折讓，錦興已經吸引到爆。現水位收集，放長線，博升一兩倍，錦興折讓仲有6成過外。
天業短炒長揸皆可
天業節水（840）最新NAV1.45元，現價0.9元折讓近38%。近磅A股，全部冇折讓，部份PB兼上到兩倍水位，天業現價抵搞。又呢期祖國部份地區大旱，天業主打農業節水灌溉系統業務，唔單止有point短炒，中長線嚟睇，祖國重點強化農業生產，包括節水系統應用，都提供咗好大商機。先嚟轉短打，博升20%到1.08元，天業PB仲喺1倍樓下。
錢雋