女人買護膚品多多錢都肯使，偏偏睇唔過眼老公買靚少少嘅洗車蠟水，有個死黨仲話老婆諗縮數，叫佢攞屋企支紅威寶就得喎。我梗係同情個Friend嘅遭遇啦，點知車房老友Joe反撐女權：「論乾淨同抵用，紅威寶真係唔錯。」原來紅威寶本來嘅配方就係For洗車，老友Joe都話：「有時我會教啲客，閒時落幾滴紅威寶落水桶，再扭乾條毛巾嚟抹車，最後用清水再抹吓架車就得，簡簡單單就除到污迹，因為佢分解油份能力係幾好。
簡單又經濟
「大洗」時就可以落番多啲，由於紅威寶是超濃縮清潔劑，不稀釋來用會太浪費。若你用開二合一洗車蠟水，抹頭尾燈時又要換過另一支清潔劑，事關燈罩有蠟只會減低透光度，搞到架車變「白內障」。而紅威寶另一優點係百搭，車身大部份位置都用得着。都係嗰句，抹乜都好，千祈咪一味貪多，最緊要方便、簡單又經濟。
油站小賣店幾乎一定有紅威寶，1,000ml只係$33，夠你用成年。
記者：林利 Model：Fion