前商務及經濟發展局局長馬時亨加入中策集團做主席搵真銀，好多人都話佢真係如有神助，解除腦血管病威脅，亦有好多人質疑佢當日辭職理由，肥馬終於大反擊，噚日接受now香港台訪問時話，好多人批評佢再投身商界係利益輸送、官商勾結係不負責任。
肥馬話利益輸送、官商勾結呢八個字近年已被人濫用，好似凡涉及商界嘅事都唔係好嘢，佢認為呢種情況好可悲，亦會阻礙香港未來發展，又話自己當年加入政府，真係一心一意回饋社會，冇諗過到頭來惹來諸多批評，如果一早知道俾人插到體無完膚，當日未必會做官㖭。可惜呢個世界冇早知，唔通阿松又早知自己要辭職下台咩？