今日馬場勢必墟冚，又有歌星唱歌助興，公眾席仲免費入場，散場後紀念馬票進行抽獎；莊家咁做，無非想大家高興啲，藉機谷大啲個投注額。正如抽新股一樣，嗰期最多人抽嗰隻係咪代表上市後嘅升幅最亮麗呢？今天波雖然好似戲碼平淡，但可能趁大家唔多覺時日皇盃出冷，主角係作客日聯盃盟主FC東京嘅仙台維加泰。
經過一整夜嘅世界盃附加賽同友賽後，相信好少波友會咁神心咁好精力走去留意中午開賽、早賽馬1小時開波嘅日皇盃早場。但小弟卻對今天主角仙台維加泰情有獨鍾，主因除球會所有賽事計保持11場不敗外，更在上仗大炒水戶蜀葵，同大阪櫻花提早獲得升上日聯資格，已無後顧之憂，大部份主力又可出場。
國體會爭前4博W
相反FC東京連場硬仗，爆冷贏前鋒奪日聯盃後，上周中又要在日皇盃補賽險勝草津溫泉晉級；球會料續缺射手石川直宏，後防又有為日本國家隊服役嘅今野泰幸及德永悠平缺陣，較對手少3天休息，移師另一較細中立場香川縣進行，維加泰3.15倍冷W值博。
夜場取巴甲主場王國體會，根據馬會名家軍情，球會王牌、阿根廷主將迪阿歷辛度刑滿復出，「夫添」迎山度士，再唔贏恐怕爭唔到前4踢自由盃咯，主W甚穩，可兼顧失波波膽。
（下次見報日：周三）
文：Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期日2仙台維加泰勝[+1]（1.75）
星期日2仙台維加泰勝（3.15）x星期日15國際體育會勝2:1（8）、3:1（11）2x3
簡評：一早一夜同足智彩鬥耐性。