可能自幼讀女校，對於啲全女班嘅組織或事物，硬係有啲感覺，所以就算動漫《瑪莉亞的凝望》嘅劇種完全唔係我杯茶，都唔知點解要睇落去。亦可能呢個原因，對於喺寶塚歌舞劇團出身嘅天海祐希莫名其妙咁有好感，總覺得見到佢好有親切感，好似見到學姐咁。不過，佢最近電影作品《賭博默示錄》就唔會去睇，因為唔鍾意男主角藤原龍也囉！寧願翻煲天海擔正嘅日劇《Boss》好過。
講番推介，並唔係太鍾意推介國際賽，因冇路捉，不過比利時換上荷蘭教練艾禾卡特後表現有起色，佢更曾經係今場對手匈牙利教練艾雲高文個Boss；相信艾雲高文點都畀番幾分薄面艾禾卡特，比利時應該贏得。
吾中
近5場往績：WWWLL
主客和：比利時勝
心得：艾禾卡特領軍後有起色