投注選擇五花八門，想易收錢好多時唔會有豐厚派彩；不過賽事類別對普羅波馬迷無大分別，正如有啲人鍾意賭明星馬，但有啲專攻五班賽，派彩咪一樣。今天公仔箱專注播附加賽，趁周末假期，波友抵捱眼瞓；不過呢類波好睇未必好食，小弟重心放喺英甲有超班質素嘅查爾頓，升班大戰氣走米爾頓凱恩斯。
今天4場歐洲附加賽，最好睇一定係明日凌晨4點開賽，用主場同戰意搭夠嘅愛爾蘭，頑抗超級名牌法國；我對法國有偏愛，可惜杜明尼治領導下實不敢恭維，唔掂。要賭我寧取兩支主場穩贏、但單W冇肉食嘅俄羅斯同葡萄牙，可攻波膽；兩軍喺外圍賽主場守力超強，最適合打呢類兩回合比賽，穩紮穩打，入一球後會嘗試攞多個「燕梳」球，嫌8注犯本大可直取兩個2:0，3注飛博40倍派彩。
兩倍W好過俄串葡
今天重心放喺英甲大戰，第2位嘅查仔迎米爾頓凱恩斯，查仔今季再降一級後，成為超級大老虎，同上季衰過嘅「1哥」列斯聯成回升英冠兩大熱門；兩軍決心同樣昭然，尤其查仔最近兩仗英足盃同英錦標賽用副選踢連敗出局，真係擺明喺呢半年專注聯賽爭回升；今仗勢必盡遣主力同現排第3嘅米軍一戰，一場波有兩倍W，點都好賭過俄葡互串啩。
（下次見報日：周日）
Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期六20查爾頓勝（2）x星期六33俄羅斯勝（1.25）2x1
星期六33俄羅斯勝2:0（5）、2:1（8）x
星期六47葡萄牙勝2:0（6）、2:1（7.5）2x3
簡評：世界盃出線附加賽首回合，唔會太多波入。