神奇茆茆終於畢業喇！讀咗四年，佢讀嗰個工商管理榮譽學士大功告成，日前仲返城大出席畢業禮。做慣風頭躉，台上讀佢個名嗰陣台下反應都特別激烈，就連當日在場嘅曾淵滄都忍唔住寫呢單嘢。
上年張茆同倪震咀出個大頭佛，成個blog俾人起晒底，攬男啜女煲煙劈酒低胸自拍全部俾人登晒，搞到茆茆要鏟blog兼避走鄉下，日前佢出席畢業聚餐後都有寫番篇blog，仲貼埋靚相，繼續着低胸裝短裙仔騷身材。
傷害當成長
唔知係咪人生到另一階段，感觸特別多，張茆寫話：「很多人覺得我一直傳照片是要吸引注意……從我重新寫blog開始，我就決定了要開始自己新的生活，所有傷害過我的人和事，都是一種成長、一個回憶，無論大家如何的阻止我寫blog，我都會繼續，這是我的生活方式，我的快樂。」傷害過佢嘅人係咪倪震，大家自己諗喇。
話雖如此，不過茆茆以後都會盡量小心，佢寫話：「放甚麼照片，用甚麼詞，都要想清楚查仔細，以免又會觸犯到一些人敏感的神經。於是我小心翼翼，於是我步步為營，多可笑，我寫我自己，還要這樣膽戰心驚。因為我神經大條沒心沒肺，說不定分分鐘都會『說錯話』……又惹來殺身之貨（禍）。」茆茆仲話家學緊煮飯，日日都好開心，咪係囉，大個女，要帶眼識人喇。