何守信、徐子珊和宣萱昨日在尖沙嘴出席《活著》的記者會，他們三人在活動上暢談拍攝時的趣事，何B坦言今次最遺憾的是因為意外受傷而中途返港就醫，何B說：「我哋出發前準備晒所有嘢，而且又做足晒所有防疫措施，估唔到因為自己唔小心而發生意外，我好感激宣萱幫我捱義氣，真係好感動同多謝佢。」
胃痛哭不停
在旁的宣萱亦表示為節目獻上人生的第一次，她笑說：「拍攝期間最尷尬係遇上人有三急，雖然有工作人員幫我哋引開其他人嘅注意，但係一啲野生動物係控制唔到，所以我哋次次都要好快同好小心咁去解決，亦因為呢個原因，第一次喺草原上嚟個大解放，感覺真係好難忘。」
宣萱還稱與大隊由肯雅前往埃塞俄比亞的機場及返港期間，因胃部劇痛而擔心要獨自留在當地就醫，所以突然喊個不停，當時嚇呆了徐子珊和其他工作人員，宣萱笑稱當時令她流露女性化的一面。
採訪、攝影：何慧斯