上月盟主
周六焦點當然係各場世界盃外圍賽，其中非洲區其餘席位、同埋新西蘭對巴林嘅亞洲區最後席位亦會喺今個禮拜揭盅。至於歐洲區4場附加賽首回合，形勢上以俄羅斯主場鬥斯洛文尼亞贏面最高。至於今次重心，選擇日皇盃嘅大阪飛腳。
晉級過程多大炒
今屆日皇盃打到目前為止已經進入最後16強，其中就彈出咗明治大學呢支「巨人殺手」，佢哋已經連過3關，上兩輪就淘汰咗日乙嘅湘南比馬，同埋日聯嘅山形山神，其中上圈作客能夠淨勝山神3球，並唔係撞彩。嚟到第4圈，佢哋周日會對另一支日聯球隊新潟天鵝，睇吓會唔再爆多次，但呢場變數太多，寧願捧飛腳。
日本唔怕作客南非
飛腳喺晉級過程中就成為咗大學隊嘅殺手，先後大數流通經濟大學同埋福岡大學，兩場合計轟入11球。波友可以話飛腳對住大學隊狂數唔出奇，但亦反映呢支仍有機會爭日聯錦標嘅球隊，好有決心爭日皇盃，始終佢哋係衞冕球隊，而且亞冠盃參賽資格重要，所以喺呢個盃就特別醒神。
無錯，今仗鬥鳥棲砂岩，佢哋會缺少代表日本國家隊出賽嘅中場遠藤保仁，但隊中球員目前狀態不俗，好似盧卡斯施維連奴上圈就大演帽子戲法，亦有播戶龍二、曹宰榛及明神智和等主將，相信鳥棲砂岩難再好似上圈爆冷贏廣島三箭咁再爆多場。
至於日本作客南非嘅友賽，以該隊近期國際賽強勁勢頭，絕對有機會贏多場。今次徵召球員中，外流球員基本上都入選。以佢哋能夠早前反勝加納嘅表現，今次雖然作客，但南非並不太強，平手盤捧日本。
戰鬥員A
近5場往績：LWLDW