花樣年控股（1777）招股進行中，市場反應似乎都算唔錯，不少散戶都有玩玩孖展認購。問他們有無諗過抽民生銀行（1988），兩隻相比之下，他們認為民行唔係唔好，但係花樣年有一班富豪撐場，估計唔係省油的燈，而且前排恒大地產（3333）首日上市表現有辦你睇，以咁樣衡量的話，似乎對花樣年感覺良好。
星俠一向不太熱衷抽新股，姑且同散戶閒聊，自己就唔會入票抽。其實，我比較關心銀行「水浸」得好緊要，簡直同內地粵北旱情成反比！銀行體系總結餘下周就突破3000億元，咁大筆錢，斷估唔係純抽新股，其去向將影響大市；可能美國總統奧巴馬訪華，市場會借勢炒人民幣升值，對滙率敏感的股份或成焦點。
講起美國，日前美國俄亥俄州北區區域法院裁定，指中國最大的汽車玻璃出口商信義玻璃（868）侵犯Saint-Gobain專利，要求信義賠償8533萬港元，信義表示會上訴。
信義股價受消息影響，由近期高位6.56元急跌至最低5.53元，雖然好快由低位重返6元以上，但昨日又再回跌，挫2.4%，再失守6元，報5.98元，近月建立之上升軌已受破壞，短期走勢仍會波動，可待守穩5.50元後才低吸，中線獲利目標先睇6.80元，失守4.85元止蝕。
方星俠