上月燈神
回歸之後，港人嘅生活一直默默改變，只係大家為生活奔波冇時間去理。舉個簡單例子，仲記唔記得細個每當孫中山先生誕辰日，大家都有假放？前日就係國父嘅生日，敢問仲有幾多人記起呢個日子？久而久之，就錯過認識同紀念呢個歷史偉人嘅機會。
喺生活上我哋往往只顧死衝，錯過身邊太多值得關心嘅事。放諸球壇亦然，安基嘅死正好畀機會大家反思，球員嘅壓力千斤重，平時心理輔導唔能夠忽略。再講遠啲，新型流感困擾多時，意大利教練納比高瞻遠矚，一早就建議各國應為球員打預防針，結果咪一路有球員中招，各國一路未有實際措施！
講番今輪國際賽，人人只關心歐洲區附加賽，好似成個周末只得愛爾蘭對法國、葡萄牙對波斯尼亞兩場波咁。查實非洲區都有多場生死戰，好似曾經為球迷帶來無盡歡樂嘅喀麥隆就命懸一線，話就話喺第1組領先，其實作客摩洛哥一失分就隨時玩完。我捧喀麥隆，因為懷念米拿、奧馬比耶、干奴、科爾，同時睇好伊度奧。
藍鑽石
近5場往績：LWLWL
讓球：喀麥隆（平）
心得：今屆唔係又冇喀麥隆啩？