張燊悅和孟瑤等昨日出席跑馬地Stressless家具店的開幕活動，產後的張燊悅已成功收身，她說：「家距離未生之前仲差一磅，可能湊BB辛苦自然瘦，我冇節食，個女9個月大，買傢俬都要以個女為先，先生排第二，自己排第三。」問她有甚麼好消息？她說：「我想旅行先，未生之前鍾意潛水同滑雪，希望可以玩完之後先開工，今年去東南亞旅行，玩3、4日，唔會去太耐，怕會掛住個女。」
孟瑤唔識高海寧
此外，孟瑤正忙着宣傳新片《旺角監獄》，她謂電影中要扮演一個智商只有7歲的女人，更會遭強暴，她希望可以減少性感演出，問可會受到新晶女郎高海寧的威脅？她說：「我唔知佢係邊個，如果佢嘅身材好我都會羨慕。」
採訪、攝影：梁錦雯