【本報訊】醫學會會長謝鴻興成功向法庭挑戰醫委會不公平條例後，醫委會形象再度插水。醫療政策評議會昨宣佈聯署向醫委會主席麥列菲菲施壓，逼她下台。
謝鴻興因不小心駕駛罪被判罰款，參加醫委會選舉時未有申報，被該會指他違反針對民選委員的醫生註冊條例而取消其委員資格，雙方最後對簿公堂，高院判謝勝訴。醫療政策評議會發言人郭家麒批評，醫委會處事一直專橫霸道，上述事件最終搬上法庭才能討回公道，就是明顯例子，令民怨再升溫，「醫委會今次嘥咗幾百萬公帑做堂費，麥列菲菲做咗12年主席，冇理由容許呢啲事情發生，隻手遮天。」
促麥列菲菲辭職
他又指，問題癥結在於醫委會的架構，現時一半委員由政府委任，對投票選出民選委員的醫生是一個羞辱，「麥列菲菲梗係唔會改，因為有既得利益，大部份委員都係自己友。」評議會促請醫委會修例，並更改架構，所有委員須由醫生一人一票選出，並要求麥列菲菲主動辭去主席一職。