花旗股市繼續上升，後市睇好。噚日港股出現調整，只係技術性，整固吓又可以升過。
國家統計局公佈宏觀經濟數據之後，專家走出嚟講通脹威脅，其實內地嘅通脹水平仲係好低，真正值得關注係通脹預期，溫總之前已講過要做好呢方面嘅管理，通脹唔係目前要憂慮嘅事。
比亞迪C輪18960：比亞迪（1211）昨收73.45元，逆市升4.4%。隻股近排走勢偏軟，噚日大成交升破10日線，有可能重拾升軌，升破76.90元睇88元，可以諗吓隻C輪18960。
隻輪昨收12.7仙，2010年5月19日到期，行使價88元，溢價37.1%，引伸波幅83.3%，有效槓桿2.9倍，正股升上88元，18960睇20.8仙，正股跌穿68元，就沽咗隻輪止蝕。
俊樺