香港電訊科技話就好先進，但電梯內收唔到手機網絡，呢樣已輸畀大陸，家香港仲係玩緊3G，但全球首個4G網絡將於5月在上海世博期間試用。台灣及部份亞洲區捷運系統亦鋪設4G網絡，只要政府一聲令下，就可以同3G講拜拜。
據電訊業人士講，4G技術上網收發數據較現有3G快50倍，參與世博人士使用4G接連筆記簿電腦，即使行車中上網，速度亦比家居固網快。4G大趨勢令無線軟件服務供應商發展空間更大。
專注研發3G及IP應用領域的金利通（8256），邀得「海歸派」嘅專家針對研發4G網絡應用軟件，只等新網絡的配合推出。
金利通積極進軍內地電訊市場，市傳將與內地某大流動電訊商合作，會為集團帶來重大突破。該股現價市值僅1億多元，真係「殼價」都唔得，反映估值嚴重偏低，昨收0.247元，不妨伺機收集等好消息。
方星俠