【本報訊】繼國務院港澳辦副主任張曉明力促特區仿效澳門，行政、立法及司法三權配合後，昨天輪到身兼全國人大常委會香港基本法委員會副主任的前律政司司長梁愛詩「發功」，強調法庭是特區政府一部份，「當然要支持政府」。政界中人對梁愛詩有關說法表示震驚，強調有關說法對特區管治相當危險。
「呢個講法不利管治」
梁愛詩昨天出席一公開場合被問及張曉明的三權合作論時，指外界對張的言論「過份敏感」，力撐「我哋香港有個大政府同小政府；細政府係行政機構，大政府則係行政立法同司法」，反問指：「法庭唔係特區政府一部份咩？佢係一部份，當然要支持政府。」
她強調法庭要支持政府，「並唔係話明明係黑都要變白，亦唔係因為要支持政府而影響裁決」，堅稱口中所指的支持是指司法機構做好獨立裁決的角色，「審案時候要唔受任何干預。」當續被追問法庭應如何支持政府，梁愛詩只稱「做番日日做嘅嘢（公平審案），就係支持緊政府」，又指深信特區法官會維持司法獨立。
身兼資深大律師的公民黨立法會議員湯家驊對梁的言論表示震驚，「冇諗過一個曾經喺政府做過律政司司長嘅人，竟然認為法庭係政府一部份，同香港法治觀念完全相違。」他強調法庭獨立於政府之外，正好防止政府濫權，認為這才是特區成功之處。
民主黨立法會議員李永達則指梁愛詩的說法與張曉明一脈相承，「佢係婉轉地咁講出張曉明否決三權分立嘅想法」，擔心若將司法包括在政府之內，「最大嘅就係行政機構，一定要其他兩個機關（立法與司法）配合同服務，呢個講法好危險，不利香港管治。」