女星走光不足為奇，但李宇春走光，問你驚唔驚先？日前佢上咗湖南衛視《節節高聲》表演，着住紫色衫加件黑色小西裝，貫徹其中性打扮，以為冇乜特別。點知佢跳跳吓舞，上衣中間粒鈕忽然鬆開，入面件黑色喱士內衣無所遁形，睇到觀眾啞晒。後嚟有工作人員提醒，李宇春先知醒覺，拿拿臨衝到側台搞番掂佢。