鄧建明（Joey）月底會舉行個人演唱會，早前找來老友雷頌德（Mark）幫手宣傳。原來阿Mark和Joey碰面不只談音樂，更分享育兒心得。
鄧建明與雷頌德相識十多年，惺惺相惜，二人同樣當過歌手，近年努力在幕後打拼，一個是名唱片監製，一個是名結他手，二人談得最多不是音樂，竟然是湊仔經，阿Mark日前笑言：「我哋兩個都係發仔癲o架，一見面就係咁講個仔，有講唔完嘅話題。」
力邀阿Lam助陣
Joey將於本月28號在九龍灣StarHall舉行個人演唱會，主題以他最拿手的結他為主，Joey謂：「大家唔使驚悶，到時我會唱好多幫過人哋彈嘅歌，好似黎明、王菲、陳奕迅嘅歌，當然唔少得太極，重新編曲，希望帶畀大家唔同嘅音樂都係可以由結他彈出嚟。」
在旁的阿Mark不停大讚Joey彈結他的造詣：「好多香港hit歌佢都有份彈，冇佢真係唔得，彈到要有佢咁嘅成績真係唔容易。」阿Mark表示演唱會當日必定會到場為Joey打氣。
問Joey演唱會邀請甚麼嘉賓？他說：「家都未定，我同阿Lam（林子祥）提過，佢話到時唔喺香港，但都想盡量趕返嚟幫我手。」
Joey開騷當日，韓國天王Rain都在港開演唱會，問他會否擔心票房，Joey說：「唔驚，都唔同類型，而且我仲有好多歌手嘉賓嚟睇，咁多friend嚟睇我就夠喇，有麝自然香嘛。」
採訪、攝影：胡比
化妝：KeiKei