「來忘掉錯對，來懷念過去，曾共渡患難日子總有樂趣……」當年挾陳浩南威風在紅館開騷的鄭伊健，今年重踏紅館，伊健表明會以驚喜報答歌迷，但不考慮趁機在台上求婚，他說：「我係有諗過結婚，但係人哋做過（台上求婚），我唔會再做。」講到生仔更加是耍手擰頭。
事隔11年後重踏紅館舞台的鄭伊健，鐵定於12月在紅館再次舉行演唱會，他表示演唱會其中一部份會演繹電影原唱歌曲，更會瞓身排舞，在演唱會中勁歌熱舞獻給觀眾。
私事不屬舞台
伊健透露數年前已考慮開演唱會，但公司同事均認為他未準備好，兼且紅館檔期未能配合。伊健說：「以前會諗點解要等咁多年先至開到演唱會，但係經過《風雲》之後，明白到唔係我哋控制，當年《風雲》上映反應好，預咗好快會開續集，但係又唔拍，估唔到12年後再拍，真係世事無絕對。」伊健首次演唱會，有「細細粒」黎姿擔任表演嘉賓，時光飛逝，黎姿已嫁人息影，但伊健仍希望可以請黎姿來欣賞。
對於多年來不提結婚的伊健會否在演唱會中宣佈結婚，他堅決地說：「一定唔會，人哋做過，我一定唔會做，私人事唔係屬於舞台，我嘅性格係會將公事私事分開。」對於會否特別安排女友蒙嘉慧擔任表演嘉賓，他說：「佢雖然都係藝人，但係佢唔係歌手，我哋相處感情穩定已經係對我支持。」
婚事毋須計劃
身邊朋友經常問伊健有否想過結婚，他坦白說：「我有諗過，但係唔係家，我哋拍拖唔係好長時間，好享受家冇壓力地拍拖。」伊健自言並非傳統思想的男人，不會預早計劃結婚，但有可能即興註冊。講到生仔，也有明確立場，他認為現在社會道德淪亡，年輕一輩歪理變道理，他自問沒能力教導，伊健說：「我哥哥已經生咗仔，傳宗接代唔使靠我。」
採訪：張俊銘 攝影：仇志德
髮型：JoanChungofHeadQuarters
化妝：JessicaChan
服裝：CABANEDEZUCCAofPatersonST.
場地：彌敦酒店