公關界名人潘啟迪（KT）又有新工，KT家喺醫管局負責做傳訊嘅總監，做埋下個月就鬆人，據知會過檔領匯做機構傳訊阿頭。
KT噚日承認會離開HA，卻唔肯透露去向，只係話想迎接新挑戰，「我次次轉工，梗係有新嘢搞至會去。」若然KT真係去領匯，應該可以大顯身手，盡情施展危機處理功架，事關商戶、醫生反加租罷市、罷診，政黨又圍攻領匯，大把炸彈等住佢拆。
知情人士話，KT當年做房署機構及社區關係總監時，曾參與領匯上市，熟悉呢類業務運作，轉工可謂重操故業。有人話KT跳槽冇勁加人工，期望領匯係退休前最後一份工，希望令領匯盡善盡美咁話。